ਸਕੈਨ ਨੇ ਡੀ.ਏ.ਵੀ. ਸਕੂਲ ਬਿਲਗਾ ਵਿੱਚ ਜੇਤੂਆਂ ਨੂੰ ਵੰਡੇ ਟਰੈਕਸੂਟ ।
ਸਕੈਨ ਨੇ ਡੀ.ਏ.ਵੀ. ਸਕੂਲ ਬਿਲਗਾ ਵਿੱਚ ਜੇਤੂਆਂ ਨੂੰ ਵੰਡੇ ਟਰੈਕਸੂਟ ।
ਬਿਲਗਾ : 05 ਦਸੰਬਰ (ਦਵਿੰਦਰ ਸਿੰਘ ਜੌਹਲ)
ਸਕੈਨ, (ਸਪੋਰਟਸ ਐਂਡ ਕਲਚਰਲ ਐਸੋਸੀਏਸ਼ਨ ਨੂਰਮਹਿਲ), ਐਸ.ਆਰ. ਤਾਂਗੜੀ ਡੀ.ਏ.ਵੀ. ਪਬਲਿਕ ਸਕੂਲ ਬਿਲਗਾ ਵਿੱਚ ਵਿਸ਼ੇਸ਼ ਤੌਰ ਤੇ ਨਾਲ ਪਧਾਰੇ ਅਤੇ ਉਹਨਾਂ ਨੇ ਖਿਡਾਰੀਆਂ ਨੂੰ ਟਰੈਕ ਸੂਟ ਵੰਡੇ ।
ਇਸ ਮੌਕੇ 'ਤੇ ਸਕੈਨ ਦੇ ਚੈਅਰਮੈਨ ਸ਼੍ਰੀ ਆਰ. ਐਸ. ਹੁੰਦਲ ਨੇ ਕਿਹਾ ਕਿ ਖਿਡਾਰੀਆਂ ਨੂੰ ਉਤਸ਼ਾਹਿਤ ਕਰਨ ਲਈ ਉਨ੍ਹਾਂ ਦੀ ਸੰਸਥਾ ਹਰ ਸਾਲ ਖੇਡਾਂ ਦੇ ਮੁਕਾਬਲਿਆਂ ਦਾ ਆਯੋਜਨ ਕਰਦੀ ਹੈ । ਟਰੈਕ ਸੂਟ ਵੰਡਣਾ ਵੀ ਇਸ ਲੜੀ ਦੀ ਇੱਕ ਕੜੀ ਹੈ ।
ਇਸ ਮੌਕੇ 'ਤੇ ਖੇਤਰ ਦੇ ਮਸ਼ਹੂਰ ਮੰਚ ਡਾਇਰੈਕਟਰ ਮੱਖਣ ਸ਼ੇਰਪੁਰੀ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਯਤਨਾਂ ਤੋਂ ਜਿੱਥੇ ਇੱਕ ਤਰਫ ਉਭਰ ਰਹੇ ਖਿਡਾਰੀ ਨੂੰ ਆਪਣੇ ਪ੍ਰਦਰਸ਼ਨ ਦਾ ਮੌਕਾ ਮਿਲ ਰਿਹਾ ਹੈ, ਉਥੇ ਖਿਡਾਰੀਆਂ ਵਿੱਚ ਮੁਕਾਬਲੇ ਦੀ ਭਾਵਨਾ ਦਾ ਵਿਕਾਸ ਹੁੰਦਾ ਹੈ ।
ਸਕੂਲ ਦੇ ਪ੍ਰਿੰਸਪਲ ਸ਼੍ਰੀ ਰਵੀ ਸ਼ਰਮਾ ਨੇ ਸਕੈਨ ਦੇ ਅਹੁਦੇਦਾਰਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਖਿਡਾਰੀ ਵਿਦਿਆਰਥੀ ਜੀਵਨ ਤੋਂ ਵੀ ਅਨੁਸ਼ਾਸਨ ਵਿੱਚ ਰਹਿਣਾ ਸਿੱਖ ਜਾਂਦਾ ਹੈ ਅਤੇ ਅੱਗੇ ਚਲ ਕੇ ਖੇਡ ਖੇਤਰ ਵਿੱਚ ਆਪਣਾ ਨਾਮ ਕਮਾਉਂਦੇ ਹਨ। ਉਹ ਖੇਡਾਂ ਨੂੰ ਕੈਰੀਅਰ ਦੇ ਰੂਪ ਵਿੱਚ ਸਵੀਕਾਰ ਕਰਦੇ ਹਨ।ਇਸ ਲਈ ਪੰਜਾਬ ਸਰਕਾਰ ਵੀ ਖੇਡਾਂ ਨੂੰ ਅੱਜ ਬਹੁਤ ਮਹੱਤਵ ਦੇ ਰਹੀ ਹੈ ।
ਵਰਨਣਯੋਗ ਹੈ ਕਿ ਸਕੂਲ ਦੀ ਐਥਲੈਟਿਕ ਟੀਮ ਲਗਾਤਾਰ 11ਵੀਂ ਵਾਰ ਸਕੈਨ ਮੁਕਾਬਲੇ ਜਿੱਤ ਕੇ ਇਸ ਖੇਤਰ ਦੀ ਸਰਬੋਤਮ ਟੀਮ ਵਿਚ ਹੈ।
- - - - - - - - - - - - - - - - - - - - -
Comments
Post a Comment